Primeiro posto dos máis vendidos no New York Times, Wall Street Journal e Boston Globe • Un dos libros máis aclamados dos nosos tempos: os recordos inesquecibles dunha moza que, privada de ir á escola, abandona a familia survivalista e consegue doutorarse pola Universidade de Cambridge.
Considerado un dos mellores dez libros do ano polo suplemento literario do New York Times • Finalista: do NationalBook Critics Circle’s Award na sección de Memorias e no John Leonard Prize como mellor libro • Premio PEN/Jean Stein • Premio ao mellor libro de Los Angeles Times.

Tara Westover, que naceu nas montañas de Idaho no seo dunha familia de mormóns fundamentalistas cuxo obxectivo era prepararse para a chegada da fin do mundo, tiña dezasete anos a primeira vez que entrou nunha aula. A súa familia vivía tan illada da sociedade convencional que non había ninguén que se preocupase porque os fillos acudisen á escola nin ninguén que interviñese cando un dos irmáns máis vellos se volveu violento. Tras o ingreso doutro dos seus irmáns na universidade, Tara decidiu probar unha forma diferente de vivir. O interese polo coñecemento transformouna e levouna a cruzar océanos e continentes, a Harvard e á Universidade de Cambridge. Só entón se preguntou se non se afastara de máis, se aínda podería encontrar o camiño de regreso á casa.